Ben Sharrock | UK | 2020 | 104’

Mae Limbo gan Ben Sharrocks yn bleser di-wên sy'n llawn dynoliaeth ac yn arsylwad anarferol ar brofiad ffoaduriaid. Wedi'i lleoli mewn rhan anghysbell o'r Alban, mae'n debyg i’r hen Gomedïau Ealing, fel Whisky Galore!, ond gyda realaeth gymdeithasol hynod dywyll yn rhedeg trwyddi.

Mae grŵp o newydd-ddyfodiaid yn aros am ganlyniadau eu hawliadau lloches. Yn eu plith mae Omar, cerddor ifanc o Syria sydd wedi cario oud ei dad-cu, yr holl ffordd o’i famwlad.

Gan amlygu gobeithion a chaledi profiad ffoaduriaid, mae’n bosib mai’r awdl goeglyd, ingol, a doniol hon i garedigrwydd dieithriaid yw un o’r portreadau gorau o’r profiad bwriadol anghyfforddus ac anghyfeillgar sy’n wynebu ffoaduriaid yn y DU a llawer o'r byd.

£7.70 (£5.90)

** Archebu tocynnau o flaen llaw yn hanfodol. Archebu ar lein 24/7 mwldan.co.uk. Swyfddfa docynnau (ffÔn yn unig) Dydd Mawrth - Dydd Sul 2-4pm 01239 621 200. **