YM CYMRYD LLE YNG NGHASTELL ABERTEIFI

HYRWYDDIR AR Y CYD GAN Y MWLDAN A CASTELL ABERTEIFI

Pwy laddodd Syr Charles Baskerville? A all unrhyw un rhwystro’r un peth rhag digwydd i Syr Henry Baskerville ifanc? A oes ci arswydus wir yn crwydro Dartmoor? Pam mae rhywun yn dwyn esgidiau Syr Henry o hyd? A sut mae ci annaearol yn llwyddo i adael olion pawennau enfawr a thystiolaeth ddigroeso arall o'i fodolaeth? Mae’r ditectif llenyddol gwreiddiol a’r gorau ohonynt oll, Sherlock Holmes, a’i gynorthwyydd Doctor Watson, yn mynd i’r afael ag achos mwyaf dryslyd eu gyrfaoedd yn yr addasiad ffyddlon, haerllug ond iasoer hwn. Mae dirgelwch a chynllwyn yn cyrraedd uchelfannau newydd wrth i’r ddau dditectif chwedlonol lywio’r rhostiroedd peryglus a’r felltith ddirgel sy’n poenydio teulu’r Baskerville. O dirweddau golau lleuad iasol Dartmoor i gliwiau cryptig, mae’r addasiad gafaelgar hwn yn mynd ati i asio tensiwn a ffraethineb yn gelfydd. A hithau’n sioe sy’n cael ei pherfformio yn yr awyr agored gan Illyria, paratowch ar gyfer noson fythgofiadwy o ddirgelwch, cynllwyn a phethau sy’n mynd ‘grrrr’ yn y nos! 

Hyd y perfformiad: (tua) 140 munud (gan gynnwys egwyl o 20 munud).

Yn addas ar gyfer oedran 8+.

£18 (£16 Concession) (£10 Plant)