Hir yw pob aros, a phan fydd The Fureys yn dychwelyd bydd ganddynt un o etifeddiaethau cyfoethocaf cerddoriaeth boblogaidd i’w chyflwyno i’w cynulleidfa. Maen nhw’n un o fandiau canol y ffordd, gwerin a thraddodiadol mwyaf clodwiw a dylanwadol Iwerddon erioed. Mae clasuron Furey fel I Will Love You, When You Were Sweet 16, Red Rose Café, Leaving Nancy, The Old Man, From Clare to Here a The Green Fields of France wedi dod yn drac sain i fywydau cefnogwyr ledled y byd. Roedd y brodyr Furey yn dal i geisio cyrraedd y brig fel cantorion gwerin ar ddiwedd y Chwedegau pan rannodd Eddie Furey fflatiau yn yr Alban gyda’i ddarpar sêr gwerin ar y pryd, Billy Connolly a Gerry Rafferty (yn enwog am Baker Street). Mae Eddie a George Furey yn arbennig o falch o’u llwyddiant yn y siartiau yn y DU gyda chaneuon fel I Will Love You a When You Were Sweet Sixteen, gan helpu yn eu tro i ddod â cherddoriaeth werin a thraddodiadol Iwerddon i gynulleidfa gwbl newydd. Perfformiodd y band am y tro cyntaf ar Top of the Pops ym 1981. Mae Eddie Furey yn cofio sut "mae llawer o gerddorion wedi dweud wrthym ein bod wedi dylanwadu arnyn nhw ar ôl clywed record o gasgliad eu rhieni neu fam-gu a thad-cu". Mae Dave Stewart o The Eurythmics wedi rhoi’r clod i Eddie am ddysgu iddo ei gordiau cyntaf ar y gitâr. Byddai Eddie yn talu’r deyrnged yn ôl drwy ymuno â Dave ar y llwyfan ym Mharis am jam yn ystod priodas Dave â Siobhan Fahey o Bananarama.

£25